ՄԵԿՆՈՒՄ ԵՆ ԲՈՒԴԱՊԵՇՏ

15:17 - 14 Հուն, 2022

Վաղը լուսադեմին  Բուդապեշտ կմեկնեն մեր երկու լողորդներ:  Մարզիչ Արման Վահանյանի ղեկավարությամբ  Արթուր Բարսեղյանը  և Վարսենիկ Մանուչարյանը կմասնակցեն  ջրային մարզաձևերի աշխարհի առաջնության ծրագրով  լողի մրցաշարին:

Արթուրը հունիսի 21 –ին կմրցի 100 մ. ազատ լողաոճում: Երկու օր հետո ՝  նույն ոճում  իր ունակությունները նա կդրսևորի 50 մետրում, իսկ Վարսենիկը ՝ բատերֆլայում:  Մեր մարզուհին հաջորդ օրը նույն ՝ 50 մ.  լողուղյակում կմասնակցի ազատ ոճայինների պայքարին:

Մարզահանդեսում  ընդգրկված է նաև ջրացատկը:   ՀՀ հավաքականի  գլխավոր մարզիչ Հրաչյա Չանդիրյանն ասաց, որ աշտարակացատկորդների  մեկնարկը կտրվի հունիսի 26 –ին, իսկ անունները կհրապարակի ավելի ուշ:

Նշենք , որ այս ստուգատեսը  նախատեսված էր անցկացնել  ճապոնիայում ՝  2021թ.: Բայց  Տոկիոյի օլիմպիական խաղերի  և համավարակի հետ պայմանավորված միջոցառումը հետաձգվեց, իսկ մրցավայր ընտրվեց Բուդապեշտը:

Այլ նորություններ