ՉՈՐՍԸ ԿԻՍԱԵԶՐԱՓԱԿԻՉՈՒՄ

21:27 - 27 Մայ, 2022

Ավարտվեցին Եվրոպայի բռնցքամարտի երևանյան առաջնության քառորդ եզրափակիչ հանդիպումները:

ԶԼՄ – ները ներկայացրել են այս փուլի մասնակից Հայաստանի հավաքականի ինը բռնցքամարտիկների և նրանց մրցակիցների անունները:

Ժամը 21 .00 –ին հայտնի դարձավ մեր վերջին մարզիկի՝ Նարեկ Մանասյանի / 92 կգ /  մրցելույթի արդյունքը: Նրա մրցակիցն էր հունահայ Վահան Նանիտզանյանը: Բոլոր երեք ռաունդներում նկատելի էր  Նարեկի առավելությունը: Նա հաղթեց , մտավ կիսաեզրափակիչ և իր համար ապահովեց առնվազն բրոնզե մեդալ:

Մեր թիմից նման հաջողության հասան նաև Արթուր Բազեյանը / 57 կգ /, Հովհաննես Բաչկովը / 63, 5 կգ / և Ռաֆայել Հովհաննիսյանը / 86կգ /:

Մեր մյուս հինգ ներկայացուցիչները պարտվեցին:

Ինչպես հայտնի է, վաղը,  մրցաշարում դադար է հայտարարված, իսկ հաջորդ օրը ՝ մայիսի 29 –ին, տեղի կունենան կիսաեզրափակիչի հանդիպումները:

 

Այլ նորություններ