ԱՊԱԳԱ ՕԼԻՄՊԻԱԿԱՆՆԵՐԻ ՀԱՄԱՐ

11:47 - 12 Մայ, 2022

Ֆրանսիայի Նորմանդիա նահանգի  Դովիլ   քաղաքում  մայիսի 14 – 22 –ը  կանցկացվի  դպրոցականների համաշխարհային  19 –րդ  գիմնազիադան / առաջինը տեղի է ունեցել 1974թ. /: Մասնակցության հայտ են ներկայացրել  64 երկրներ:  Ավելի քան  3600  մարզիկ – մարզուհիներ  20 մարզաձևերում  / երեքը՝ պարալամիպիկ /  կպայքարեն  խաղարկվող մեդալների  17 հավաքածուի համար:

ՀՀ  դպրոցականների հանրապետական մարզական ֆեդերացիայի նախագահ, վաստակավոր մարզիչ   Արա Մեհրաբյանը  ասաց , որ մեր երկիրը կներկայացնեն  բռնցքամարտ, ազատ և հունահռոմեական  ոճերի ըմբշամարտ,  ձյուդո,  թաեքվոնդո  և սեղանի թենիս մարզաձևերի   39  ներկայացուցիչներ:

Միջոցառման նշանակությունը  բարձր  է գնահատվում աշխարհում, քանզի մասնակիցները  հանդիսանում են ապագա օլիմպիականներ , որոնց համար փաստորեն իրականացվում  են բազմաթիվ կրթական ծրագրեր:

Խաղերը մեծապես նպաստում են մասնակիցների վարպետության առաջընթացին, մրցափորձի հարստացմանը,  միմյանց հետ շփվելու, բարեկամական  -ընկերական կապերի ստեղծմանը:

Այլ նորություններ