Միավորված ազգերի կազմակերպության փոստային վարչությունը (UNPA) հայտարարել է «Սպորտը հանուն խաղաղության» նամականիշերի նոր հավաքածուների վաճառքի մասին: Այն համընկնում է Պեկինի ձմեռային օլիմպիական խաղերի հետ:

Գծանկարների հեղինակը չինացի նկարազարդող Ֆեյֆեյ Ռուանն է։ Նախագծի հեղինակն է  ՄԱԿ-ի դիզայներ Ռորի Կացը: Նամականիշերի վրա պատկերված են հոկեյիստներ, սնոուբորդիստներ, գեղասահորդներ, բոբսլեյիստներ, քյոռլինգիստներ և լեռնադահուկորդներ: 

«Սպորտը հանուն խաղաղության»  գրառումը անգլերեն, գերմաներեն և ֆրանսերեն լեզուներով է: Գինը նշանակված է  ԱՄՆ դոլարով, եվրոյով կամ շվեյցարական ֆրանկով: 

Վեց նամականիշից բաղկացած մեկ թերթիկի անվանական արժեքը 80 ցենտից մինչև երկու  ֆրանկ է։ Վեց հավաքածուներից յուրաքանչյուրի տպաքանակը 20 կամ 22 հազար օրինակ է։ Նամականիշերի ամբողջական փաթեթը կարելի է ձեռք բերել 49,65 ԱՄՆ դոլարով:

«Սպորտը հանուն խաղաղության» հավաքածուն նվիրված է օլիմպիական զինադադարին: 2021թ.  դեկտեմբերին ՄԱԿ-ի գլխավոր ասամբլեան ընդունել է «Օլիմպիզմի և սպորտի  միջոցով խաղաղ և ավելի լավ աշխարհ կառուցելու» բանաձևը։ Փաստաթուղթը կոչ է անում պահպանել օլիմպիական զինադադար՝ Պեկինի օլիմպիական խաղերի մեկնարկից յոթ օր առաջ և կավարտվի  պարալիմպիկ խաղերի վերջանալուց  յոթ օր հետո։