ԽԱՂԱՑԱՆԿԸ ՀԱՅՏՆԻ ԿԴԱՌՆԱ ԱՅՍՕՐ
Դեկտեմբերի 16-ին` շվեյցարական Նիոն քաղաքում, կայացավ Ազգերի Լիգայի վիճակահանությունը: Հայաստանի ազգային հավաքականն ընդգրկվեց B լիգայի առաջին խմբում, որտեղ մեր թիմի մրցակիցները կլինեն Իռլանդիայի, Շոտլանդիայի, Ուկրաինայի հավաքականները:
Հանդիպումների կկայանան 2022 թ. հունիսին և սեպտեմբերին: Վերջնական խաղացանկը կհաստատվի դեկտեմբերի 17-ին:
Մրցակիցների մասին Հայաստանի ֆուտբոլի ազգային հավաքականի գլխավոր մարզիչ Խոակին Կապառոսն ասել է, որ հայտնվել են բավականին ուժեղ խմբում, որտեղ կա թիմ, որն անցյալ տարի հանդես է եկել A լիգայում: Այն, որ մեր թիմը մրցելու է ուժեղ մրցակիցների դեմ, նշանակում է, որ Հայաստանի ֆուտբոլիստները որոշակիորեն առաջադիմել են, և ունեն համապատասխան մակարդակ:
Մրցակիցներն ունեն ֆիզիկական բարձր պատրաստականություն, և, բացի այդ, նրանց շարքերում կան տեխնիկատակտիկական որակներով օժտված վարպետներ:
Պետք է մրցունակ լինել և յուրաքանչյուր խաղում պայքարել հաղթանակի համար: Խմբի ֆավորիտը, բնականաբար, Ուկրաինան է, սակայն Իռլանդիան և Շոտլանդիան նույնպես փորձառու և հմուտ համակազմեր են:
