Միջազգային օլիմպիական կոմիտեն  / ՄՕԿ /  և ՄԱԿ-ի թմրամիջոցների ու հանցավորության դեմ պայքարի գրասենյակը (UNODC) երկարաձգել են սպորտում կոռուպցիայի և հանցագործության դեմ պայքարում համագործակցության փոխըմբռնման հուշագրի ժամկետը:

Համապատասխան փաստաթուղթը ստորագրվել է երեկ, նոյեմբերի 9-ին՝ Լոզանում։ 

Հուշագիրը զգալիորեն կամրապնդի ՄՕԿ-ի և ՄԱԿ-ի միջև համագործակցությունը ՝ մի շարք ոլորտներում: Մասնավորապես դա վերաբերում է կարողությունների զարգացմանը,  վերապատրաստման ծրագրերին և իրազեկման միջոցառումներին, որոնք ուղղված են սպորտում կոռուպցիայի և հանցավորության դեմ պայքարին:

Համագործակցության շնորհիվ, սպորտի միջոցով,  կկանխվեն  երիտասարդների հանցագործությունները,  բռնությունը և թմրամիջոցների օգտագործումը :

ՄՕԿ-ը և ՄԱԿ –ի համապատասխան գրասենյակը  պարբերաբար վերանայում են իրենց համատեղ նախաձեռնությունների արդյունավետությունը և զարգացնում դրանք՝ համաձայն նոր միտումների ու  կարիքների: 

Նոյեմբերի 9-ին ստորագրված փոխըմբռնման նոր հուշագիրը ուժի մեջ կմնա մինչև 2025 թվականի ավարտը։