ՏԱՐԲԵՐ ՁՈՒԼՎԱԾՔԻ ՄԵԴԱԼՆԵՐ

09:51 - 08 Նոյ, 2021

Բելգրադին հրաժեշտ տվեցին նաև ազատ ըմբշամարտի աշխարհի առաջնության / մինչև 23 տարեկաններ / մասնակիցները:

Սպասելիքները գերազանցեց Հայաստանի հավաքականը: Վաստակավոր  մարզիչ Հաբեթնակ Կուրղինյանի գլխավորած թիմի հաշվին գրանցվեց հինգ մեդալ:

Գերազանց գոտեմարտեց Արսեն Հարությունյանը / 61 կգ /: Նա հաղթեց բոլոր մրցակիցներին, գրավեց առաջին տեղը և դարձավ ոսկե դափնեկիր:

Դժգոհելու տեղիք չտվեց մեր առաջատար մյուս ըմբիշը՝ Վազգեն Թևանյանը / 70 կգ /, որն այս անգամ ճանաչվեց փոխչեմպիոն:

Երրորդ տեղով բավարարվեցին և բրոնզե մեդալակիր դարձան Մանվել Խնձրցյանը  / 57 կգ /, Հրայր Ալիխանյանը   / 74 կգ /  և  Արման Ավագյանը   / 79 կգ /:

Հայաստանի պատվիրակները թիմային պայքարում երրորդն էին:

Այլ նորություններ