ՎԵՐԱԴԱՐՁԱՆ ՄՐՑԱՆԱԿՆԵՐՈՎ

10:37 - 11 Հոկ, 2021

Սերբիայի Բելգրադ քաղաքում անցկացվեց անվանի հրաձիգ Իշտվան Պոլժիանայի հիշատակը հավերժացնող մրջազգային ավանդական ՝ թվով յոթերորդ մրցաշարը:

Հայտավորված տասը երկրների թվում էին Հայաստանի երկու պատվիրակներ:

Հրաչ Բաբայանը հրացանակիրների պայքարում, 10մ. հեռավորությունից,  երկու կրակահերթերում  վաստակեց համապատասխանաբար  625.9 և 622.7 միավոր ու գրավեց երրորդ և չորրորդ տեղերը:

Ատրճանակավարուհի Էլմիրա Կարապետյանը նույնպես  իր դիպուկությունը դրսևորեց 10մ. հռավորությունից:

Երևանցի մարզուհին 571 միավորով  երկրորդն էր անհատական պայքարում: Նա առավել հաջող հանդես եկավ խառը երկյակների մրցավեճում: Այդ պարագայում նա ընկերակցեց վրացի մարզիկի հետ և ճանաչվեց առաջինը:

 

 

Այլ նորություններ