ՄԱՐԶԱՍԵՐՆԵՐԻ ՆԵՐԿԱՅՈՒԹՅԱՄԲ
Kyodo գործակալությունը հայտնում է, որ հոկտեմբերին Ճապոնիայում նախատեսված սպորտային և գեղարվեստական մարմնամարզության աշխարհի առաջնությունները կանցկացվեն հանդիսականների ներկայությամբ: Որոշումը համատեղ կայացրել են մարզաձևի միջազգային ֆեդերացիան / FIG / և առաջնությունների կազմկոմիտեները:
Կողմերին մնում է հաստատել թույլատրվող երկրպագուների առավելագույն թիվը և կորոնավիրուսին հակազդելու միջոցառումները:
Հիշեցնենք, որ Տոկիոյի օլիմպիական խաղերում մրցումների գերակշիռ մասը, ներառյալ մարմնամարզությունը, անցկացվել են դատարկ տրիբունաների ներքո:
Հոկտեմբերի 18 - 24 -ը տեղի կունենա սպորտային մարմնամարզության աշխարհի առաջնությունը: Մասնակիցները կպայքարեն բազմամարտում և առանձին գործիքների վրա խաղարկվելիք մեդալների համար: Թիմային բազմամարտ նախատեսված չէ:
Գեղարվեստական մարմնամարզության աշխարհի առաջնությանը կկայանա հոկտեմբերի 27 - 31 -ը: Մարզուհիները հանդես կգան անհատական և խմբային բազմամարտում, հինգ գնդակներով խմբային, ինչպես նաև օղակներով և գուրզերով վարժություններում: Բացի այդ, կորոշվեն մրցանակակիրները թիմային և խմբային մրցավեճում:
