Հայաստանի պատվիրակները գոհացնող  մրցելույթներ ունեցան Տաշքենդում այսօր ավարտվող աշխարհի ծանրամարտի երիտասարդական առաջնությունում:

Լիանա Գյուրջյանը / 81 կգ /  երկամարտում ցույց տվեց 223 կգ /  98 կգ + 125 կգ / արդյունք և մեր  մարզիկներից առաջինը նվաճեց չեմպիոնի կոչումը:

Ոսկե մեդալակիր դարձավ նաև Գարիկ Կարապետյանը / 96 կգ /: Նա  պոկեց 162կգ, հրեց 193 կգ և  երկամարտի 355 կգ արդյունքով կանգնեց պատվանդանի առաջին աստիճանին:

 Արծաթե մեդալի արժանացավ  Կարեն Մարգարյանը / 81 կգ /: Երկամարտում նրա արդյունքն է 327 կգ / 152կգ + 175 կգ/: