Գերմանիայի Ֆրայզինգ քաղաքում կայացավ  Եվրոպայի մինչև 16 տարեկան բասկետբոլիստների  C դիվիզիոնի առաջնության վիճակահանությունը, որտեղ Հայաստանը ներկայացրեց  ՀԲՖ վարչական և միջազգային կապերի համակարգող Մերի Պողոսյանը:

Հիշեցնենք, որ ստուգատեսը  կանցկացվի հուլիսի 4–12-ը ՝ Երևանում:

ՀՀ տղաների հավաքականն ընդգրկվել է B խմբում: Մրցակիցներն են Ջիբրալթարի, Անդորրայի, Մալթայի և Մոնակոյի թիմերը:  

Հայտնի են Մ16 և Մ18  տարեկան աղջիկների հավաքականների մրցակիցները: Մերոնք  ընդգրկվել են  C դիվիզիոնի B ենթախմբում և կմրցեն  Ալբանիայի, Մոլդովայի և Ջիբրալթարի պատվիրակների հետ:

Հանդիպումները կկայանան 2026թ.  հուլիսի 7–12-ը՝  Թա-Քալիում (Մալթա)։

Մ18 տարեկան աղջիկների մեր հավաքականը նույնպես հայտնվել է   C դիվիզիոնի B ենթախմբում և կմրցի  Կոսովոյի, Վրաստանի և Ջիբրալթարի թիմերի հետ։

Խաղերը  նշանակված են հուլիսի 21–26-ը, Պեժայում (Կոսովո)։

Մ18  տղաները հայտնվել են  C դիվիզիոնի A ենթախմբում:Մրցակիցներն են  Կոսովոյի, Անդորրայի և Ջիբրալթարի ընտրանիները:

Մրցամարտերը  կկայանան  հուլիսի 21–26-ը, Շկոդրայում (Ալբանիա)։

Մ20 տարեկաններն ընդգրկված են  B դիվիզիոնի C ենթախմբում, որտեղ մրցակիցներն են Իսլանդիայի, Պորտուգալիայի, Կոսովոյի, Բոսնիա - Հերցեգովինայի և Կիպրոսի հավաքականները։

Մրցաշարը տեղի կունենա  հուլիսի 10–19-ը,՝  Սլովենիայի մայրաքաղաք Լյուբլյանայում: