Եվրոպայի  օլիմպիական կոմիտեն / ԵՕԿ /  և Ֆինլանդիայի ԱՕԿ-ը  որոշել են  հետաձգել առաջիկա դեկտեմբերին  Վուոկատի քաղաքում նախատեսված  եվրոպական երիտասարդական օլիմպիական 15 –րդ  ձմեռային փառատոնը (EYOF): 

Նոր ժամկետ է  նշանակվել  2022թ.  մարտի 20-25-ը: Հետաձգումը պայմանավորված է այն բանով , որ հնարավոր է համավարակը նահանջի կամ նվազի: Նման պարագայում  մայրցամաքի  ազգային օլիմպիական կոմիտեները իրենց պատվիրակություններին արդեն կգործուղեն Ֆինլանդիա: 

Ֆինները  վստահ են, որ  ստուգատեսի  հետաձգումը ձեռնտու կլինի լեռնադահուկային սպորտի միջազգային ֆեդերացիային (FIS):

Երկրի հյուսիսում մարտ ամսին  ձյան շերտը  հասնում է իր ամենամեծ հաստությանը, ինչը նաև կազմկոմիտեին հնարավորություն կտա գումար խնայել՝   արհեստական ձյան ծածկույթ ստեղծելու համար: 

Այդուհանդերձ, Վուոկատիում, ընթացիկ մրցաշրջանում,  դեկտեմբերին կանցկացվեն հոկեյի մրցաշարերը:

14-18 տարեկան մարզիկ – մարզուհիները խաղարկվող   մեդալների համար կպայքարեն ինը մարզաձևերում: