Ճապոնիան կուժեղացնի  համավարակի հետ կապված անվտանգության միջոցառումները 32 –րդ ամառային օլիմպիական խաղերի երկրպագուների համար։  Այդ միջոցառումը   կորոնավիրուսի դեմ մարդկության տոնած հաղթանակը կհանդիսանա։ Բացի այդ, կցուցադրվեն 2011-ի երկրաշարժից և ցունամիից հետո լիովին վերականգնված տարածքներն ու բնակավայրերը ։ Այս մասին ասել է  երկրի վարչապետ Յոսիհիդե Սուգան: 

Վարչապետի խոսքով  ձեռնարկվելու են բոլոր  արդյունավետ միջոցառումները։ Դրանց  մշակմանը մասնակցում են գիտական համայնքը և քաղաքապետարանը։ Համապատասխան նախարարություններին հանձնարարվել է ուժեղացնել կիբերանվտանգության միջոցառումները, ինչպես նաև վերահսկել օտարերկրյա մարզիկների մուտքն ու ելքը: 

ՄՕԿ-ի  նախագահ Թոմաս Բախը   նշել է, որ յուրաքանչյուր մարզիկ, ով կանցնի բոլոր թեստերը, անկախ բնակության վայրից, կկարողանա մեկնել  Տոկիո։ Եթե մարզիկները ունենան  COVID- ի բացասական թեստեր և հետևեն համավարակի դեմ պայքարի ուղեցույցներին, ապա նրանց հնարավորություն կտրվի  մասնակցել խաղերին։

Կազմկոմիտեն  քննարկում է  մարզիկների գյուղում  թագավարակի  բուժման անկախ կենտրոն ստեղծելու հնարավորությունը: