ՏԵՎԱԿԱՆ ԸՆԴՄԻՋՈՒՄԻՑ ՀԵՏՈ

11:11 - 25 Սեպ, 2020

Հայաստանի սպորտային մարմնամարզիկները, գլխավոր մարզիչ Հակոբ Սերոբյանի ուղեկցությամբ  այսօր մեկնեցին Կիև՝  մասնակցելու միջազգային ավանդական մրցաշարին։ Այն ընդգրկված է մարզաձևի համաշխարհային ֆեդերացիայի օրացուցային ծրագրում։ Խաղարկվում են  օլիմպիական խաղերի,  աշխարհի և  ԽՍՀՄ չեմպիոնուհի, Ուկրաինայի մարմնամարզության ֆեդերացիայի գործող  նախագահ Ստելլա Զախարովայի անվան մրցանակները։ Ստուգատեսը մեծ հեղինակություն է վայելում և այդ է վկայում ուժեղագույնների ամենամյա  մասնակցությունը ։

Մրցումերի հետաքրքրությունը մեծ է հատկապես այն առումով , որ մարմնամարզիկները երկարատև դադարից հետո հնարավորություն կունենան ստուգելու իրենց ունակությունները։

Մեր երկիրը  ներկայացնում են  Վահագն Դավթյանը / օղակներ /,  Արթուր Դավթյանն ու Գագիկ Խաչիկյանը /  բազմամարտ /։  Նրանք  հայրենիք կվերադառնան սեպտեմբերի 28 –ին։

 

Այլ նորություններ