Համաշխարհային հակադոպինգային գործակալության / WADA /  ղեկավար Վիտոլդ Բանկան  բաց նամակով հանդես է եկել կազմակերպության պաշտոնական կայքում։ Նա մարզիկներին  հորդորել է  մտածել  << մաքուր >>  սպորտի մասին և չվախենալ քննադատությունից, եթե գործակալությունը դրան արժանի է:

Կոչ է արվել  WADA – հետ  աշխատել  ընդհանուր առաջընթացի  համար:

Բանկան սոցիալական մեդիայի միջոցով շփվել է մարզիկների հետ,  վիրտուալ հանդիպումներ է  անցկացրել  մարզական կազմակերպությունների հետ և նման շփումները շարունակական բնույթ կկրեն։

WADA – ի  մարզիկների կոմիտեն աշխատում է օմբուդսմենի գրասենյակ ստեղծելու հայեցակարգի վրա։

Գործակալության ղեկավարը  ասել է, որ կազմակերպությունը վերջերս դարձել է քաղաքական հարձակումների թիրախ։ Նա  հավաստիացրել է, որ WADA- ն չի ներքաշվի  քաղաքական խաղերի մեջ: 

WADA –ն  մարզիկների համար  հավասար պայմաններ ստեղծելուն է կոչված՝ առանց դոպինգ օգտագործելու  և միմյանց նկատմամբ հարգանք դրսևորելու նպատակով:

Ցանկալի է, որ բոլոր երկրներում ղեկավարները միջոցներ հատկացնեն  դոպինգի դեմ պայքարի համար։