ԲԱՑՕԹՅԱ ՄԱՐԶԱՁԵՎԻ ԱՌԱՎԵԼՈՒԹՅՈՒՆԸ

11:00 - 13 Հուլ, 2020

Տարբեր ոլորտների նման, հայրենական սպորտում նույնպես վարժվում են աշխատել թագավարակի պայմաններում։ Բացօթյա մարզաձև  է լողափնյա վոլեյբոլը և պարետատան ընձեռած հնարավորությամբ անցկացվեց տղամարդկանց և կանանց ՀՀ առաջնությունը։  Մրցումները տեղի ունեցան անհրաժեշտ բոլոր պայմաններն ունեցող  << Գրանդ սպորտ >> մարզահամալիրում։

Հինգ օր տևեց տղամարդկանց 12 և կանանց 10 թիմերի մասնակցությամբ համապետական ստուգատեսը։ Մրցակարգով թիմերն իրենց հնարավորությունները դրսևորեցին նախ՝  ենթախմբերում ,ապա երկուական առաջատարները միմյանց միջև,  օլիմպիական մրցակարգով, վիճարկեցին ուժեղագույնի կոչումը։

Լավագույն եռյակները դասավորվեցին հետևյալ հաջորդականությամբ․ տղամարդիկ ՝ ՖԻՄԱ, ԲԿՄԱ, ՖԻՄԱ – 3։ Կանայք՝  << Վիվառո – բեթ >>, <<  Վան >> ,  << Վան – 2 >>։ Բոլոր մրցանակակիրները երևանյան գրանցում ունեն։

Կանանց լավագույն եռյակը կմասնակցի Երևանում սեպտեմբերին անցկացվելիք օլիմպիական վարկանիշային մրցաշարին, իսկ տղամարդկանց թիմերը պայքարի կբռնվեն տարիքային տարբեր խմբերի Եվրոպայի առաջնություններում։ Ի դեպ, հուլիսի 14 –ին Երևանում կմեկնարկի մինչև 22 տարեկանների Հայաստանի լողափնյա վոլեյբոլի առաջնությունը։

Այլ նորություններ