ԹԵՍՏԱՎՈՐՄԱՆ ՆՈՐ ԵՂԱՆԱԿ

16:02 - 05 Մայ, 2020

Մարզիկների դոպինգային թեստավորման նոր եղանակը՝  չորացրած արյան վերլուծությունը  / DBS /  կարող է իսկական հեղափոխություն դառնալ այդ չարիքի  դեմ պայքարում, կարծում  է համաշխարհային հակադոպինգային գործակալության  / WADA / ղեկավար Վիտոլդ Բանկան: 

WADA- ն և գործընկերները աշխատում են այս նախագծի վրա: DBS- ը դոպինգի վերլուծության համար հավաքում է ընդամենը մի քանի կաթիլ արյուն՝   թղթի վրա:

WADA- ն հոկտեմբերին DBS- ի մշակման և իրականացման համար   փոխըմբռնման հուշագիր է  ստորագրել Շվեյցարիայի, Ավստրալիայի, Չինաստանի, Ճապոնիայի, ԱՄՆ-ի, ՄՕԿ –ի և դոպինգ թեստավորման միջազգային գործակալության (ITA) հակադոպինգային գործակալությունների հետ: 

2019 թ․  նոյեմբերին միջազգային օլիմպիական կոմիտեի ղեկավար Թոմաս Բախը հայտարարել է , որ նոր տիպի հակադոպինգային թեստը պետք է ներկայացվի ոչ ուշ, քան 2022թ․ ձմեռային  օլիմպիական խաղերի մեկնարկը։ Հնարավոր է, որ այն  արդեն  օգտագործվի << Տոկիո - 2020 >> խաղերում: 

 

Այլ նորություններ