Մինսկ-2019․ Մաքսիմ Մանուկյանը պարտվեց սփոփիչ գոտեմարտում

14:20 - 30 Հուն, 2019

Հունահռոմեական ոճի ըմբիշ Մաքսիմ Մանուկյանը (87 կգ) զրկվեց երկրորդ Եվրոպական խաղերի բրոնզե մեդալակիր դառնալու հնարավորությունից։

Մինսկում ընթացող Եվրոպական խաղերի մրցումային վերջին՝ 10-րդ օրը Մանուկյանը սփոփիչ գոտեմարտ անցկացրեց Լեհաստանի ներկայացուցիչ Արկադիուշ Կուլինիչի հետ և պարտվեց՝ 3։3։ Հիշեցնենք, որ Մաքսիմ Մանուկյանը մեկնարկային գոտեմարտում 1։5 հաշվով պարտվել էր Ուկրաինայի ներկայացուցիչ Ժան Բելենյուկին։

Բելենյուկը դուրս եկավ եզրափակիչ, ինչի արդյունքում Մաքսիմ Մանուկյանը սփոփիչ գոտեմարտի մասնակցելու հնարավորություն ստացավ։

Հունիսի 30-ին ոսկե մեդալի համար պայքարելու է Արթուր Ալեքսանյանը (97 կգ)։

Հունահռոմեական ոճի ըմբշամարտի մրցումներում Հայաստանը ներկայացրել են նաև Արմեն Մելիքյանը (60 կգ), Կարեն Ասլանյանը (67 կգ), Կարապետ Չալյանը (77 կգ)։

Մելիքյանը պարտվել է մեկնարկում, Ասլանյանը՝ բրոնզե մեդալի համար գոտեմարտում, Չալյանը դարձել է արծաթե մեդալակիր։

Այլ նորություններ