Մրցումները հատել են հասարակածը

10:36 - 18 Հուն, 2019

Տիգրան Պետրոսյանի անվան շախմատիստի կենտրոնական տանն անցկացվող Հայաստանի տղամարդկանց և կանանց առաջնությունները հատել են  հասարակածը:

Տղամարդկանց պայքարում վեց հնարավորից հինգ  միավոր է վաստակել և մրցաշարային աղյուսակը միանձնյա գլխավորում է գրոսմայստեր Արման Փաշիկյանը: 3 , 5 –ական միավոր ունեն Սամվել Տեր – Սահակյանը և Ռոբերտ Հովհաննիսյանը:

Կանանց մրցաշարում խաղացված վեց  փուլերում իր հաշվին հինգ  հաղթանակ և մեկ ոչ  ոքի   է գրանցել միջազգային վարպետ Մարիա Գևորգյանը, որը 5, 5 միավորով առաջատարն է: 4  միավոր է վաստակել երկրորդ տեղում ընթացող  Սիրանուշ Ղուկասյանը,իսկ երրորդը երեք միավորով Սուսաննա Գաբոյանն է:

Այսօր ` հունվարի 18 –ին տեղի կունենան յոթերորդ փուլի հանդիպումները:

Մրցումները եզրագիծը կհատեն հունվարի 20 –ին:

 

ՀԱՕԿ լրատվական բաժին

Այլ նորություններ