Երիտասարդ բռնցքամարտիկները տարբեր հարգի մեդալներ են նվաճել միջազգային մրցաշարում

12:16 - 24 Օգո, 2017

Ուկրաինայի Բերդիչեւ քաղաքում կայացել է Կլիչկո եղբայրների անվան երիտասարդների միջազգային մրցաշարը: Հայաստանի հավաքականը հինգ մեդալ է նվաճել:

Ոսկե մեդալ նվաճել է 52 կգ քաշային Արթուր Բազեյանը: Ժիրայր Սարգսյանն (56 կգ) ու Տոնի Գալստյանը (69 կգ) դարձել են արծաթե մեդալակիր, իսկ Էրիկ Թոխյանն (49 կգ) ու Բենիկ Նիկողոսյանը (64 կգ) երրորդ մրցանակակիր են:

Հայաստանի հավաքականը մրցաշարին մասնակցում էր վեց բռնցքամարտիկով՝ երիտասարդական հավաքականի ավագ մարզիչ Դերենիկ Ոսկանյանի գլխավորությամբ:

 

Լուսանկարը՝ Հայաստանի բռնցքամարտի ֆեդերացիայի

Այլ նորություններ