Ըմբշամարտի ԵԱ. Լեւան Բերիանիձեն կպայքարի բրոնզե մեդալի համար
15:30 - 05 Մայ, 2017
Սերբիայի Նովի Սադ քաղաքում ավարտվում է ազատ ոճի ըմբշամարտի Եվրոպայի առաջնությունը: Այսօր 125 կգ քաշային կարգում Լեւան Բերիանիձեն կպայքարի բրոնզե մեդալի համար: Նրա մրցակիցը սլովակ Սոսլան Գագլոեւն է:
Բերիանիձեն 1/8 եզրափակչում հաղթեց մոլդովացի Անդրեյ Ռոմանովին, ապա զիջեց ադրբեջանցի Ջամալադին Մագոմեդովին, իսկ սփոփիչ գոտեմարտում առավելության հասավ Բելգիայի ներկայացուցիչ Հաջիմուրադ Իստապաեւի նկատմամբ:
Այսօր երեկոյան Բերիանիձեն կգոտեմարտի բրոնզե մեդալի համար:
70 կգ քաշային կարգում Վալտեր Մարգարյանը 1/8 եզրափակչում պարտվեց Ռուսաստանի ներկայացուցիչ Իսրաիլ Կասումովին եւ դուրս մնաց հետագա պայքարից:
Այլ նորություններ
