Ավարտվեց ծանրամարտի Հայաստանի պատանիների առաջնությունը

15:18 - 13 Փետ, 2017

Երեւանի օլիմպիական հերթափոխի պետական քոլեջում ավարտված ծանրամարտի Հայաստանի պատանիների առաջնության եզրափակիչ օրը 94 կգ քաշային կարգում երկամարտի 260 կգ արդյունքով հաղթել է Յաշա Մինասյանը: Երկրորդ տեղը զբաղեցրել է Ջանիբեկ Գրիգորյանը (247 կգ), երրորդը՝ Արսեն Դադայանը (246 կգ):

Համեստ արդյունքներ են արձանագրվել +94 կգ քաշային կարգում: Այստեղ մրցանակային եռյակը կազմել են Կարեն Ասատրյանը (240 կգ), Սասուն Սահակյանը (161 կգ) եւ Կարեն Ավետիսյանը (159 կգ):

Վաղը ազգային եւ պատանեկան հավաքականներն ուսումնամարզական հավաքի են մեկնելու  Ծաղկաձոր: Պատանիները նախապատրաստվելու են ապրիլի 1-ից 10-ը Թաիլանդում կայանալիք այդ տարիքային խմբի աշխարհի, իսկ մեծահասակները՝ Եվրոպայի առաջնությանը, որը կայանալու է նույն օրերին, Խորվաթիայում: 

Այլ նորություններ