Գերմանիայի  օլիմպիական սպորտի կոնֆեդերացիան (DOSB) հայտարարել է  2031թ.  Եվրոպական հինգերոդ խաղերը հյուրընկալելու մտադրության մասին:

Հայտի ներկայացման փաստաթուղթը արդեն ուղարկվել է Եվրոպայի  օլիմպիական կոմիտե:

Եվրոպական խաղերի հնարավոր կազմակերպումը կապված է խոշոր մարզական միջոցառումների ազգային ռազմավարության հետ:

ԵՕԿ-ի սպորտային տնօրեն Պետեր Բրյուլը ասել է, որ գերմանական տարբերակը գրավիչ կլինի և  ուրախ են, որ  այդ երկիրը նպատակ է դրել հինգերորդ  խաղերը  հյուրընկալելու համար:

Գերմանիայի դաշնության  ռազմավարությունը կառուցված է այն գաղափարի վրա, որ խոշոր միջոցառումները կարող են դրական ազդեցություն թողնել մրցակցությունից դուրս՝ ինտեգրումից, ներառումից և քաղաքացիների մասնակցությունից մինչև տրանսպորտ, հարմարություններ, կլիմա, ռեսուրսներ և երկրի միջազգային հեղինակություն։

Հիշեցնենք, որ  չորրորդ խաղերը կանցկացվեն  Ստամբուլում ՝ 2027թ. հունիսի 16 -27-ը, որի ընթացքում կորոշվի նաև հինգերորդ խաղերի մրցավայր երկիրը: