Հունաստանի մայրաքաղաք  Աթենքում  130 տարի առաջ, 1896թ. ապրիլի վեցին, մեկնարկել է  ամառային օլիմպիական  ժամանակակից առաջին  խաղերը։

Մրցումներին մասնակցել են 14 երկրների 241 միայն տղամարդ մարզիկներ:

Ծրագրում ընդգրկված է եղել ինը  մարզաձև. ըմբշամարտ, հեծանվավազք աթլետիկա, լող, սպորտային մարմնամարզություն, հրաձգություն, թենիս, ծանրամարտ, սուսերամարտ:

Խաղարկվել է մեդալների 43 հավաքածու։

Օլիմպիական խաղերի վերածննդի մասին լուրը հուզել է  համաշխարհային հանրությանը։ Հատկապես ոգևորել է մրցումների մեկնարկը:  Սակայն շուտով ակնհայտ են  դարձել  դժվարությունները։ Նման բարձր մակարդակի մրցույթի կազմակերպումը պահանջել է  ֆինանսական  զգալի ծախսեր, իսկ երկիրը գտնվել է  տնտեսական և քաղաքական ճգնաժամում։

Վարչապետ Խարիլաոս Տրիկուպիսը խիստ դեմ է արտահայտվել  Կուբերտենի գաղափարին։ Նա նման մեծ միջոցառման կազմակերպման ծախսերը համարել է  պետության համար անհասանելի, իսկ խաղերը՝ ժամանակավրեպ։

Կուբերտենը ստիպված բազմաթիվ քննարկումներ և հանդիպումներ է  անցկացրել քաղաքական գործիչների, պաշտոնյաների, գործարարների և լրագրողների հետ՝  համոզելու նպատակով:

Խաղերի կազմակերպումը տարբերվել է   մերօրյա  պայմաններից:  Չի եղել օլիմպիական գյուղ,  կրակի արարողություն, չի հաշվառվել մասնակիցների ազգությունը, մարզիկներին  ընտրելու համակարգ և այլն: Որոշ օտարերկրյա մարզիկներ մասնակցել են  միայն այն պատճառով, որ այդ ընթացքում գտնվել են  Աթենքում։

Բացման արարողությանը ներկա է եղել  80,000 հանդիսական, այդ թվում՝   Գեորգ I թագավորը, նրա կինը՝ Օլգան, երեխաները: Կազմկոմիտեի ղեկավար, թագաժառանգ Կոստանդինի ելույթից հետո Գեորգ I-ը հայտարարել է՝  <<Աթենքի առաջին  օլիմպիական խաղերը հայտարարում եմ բացված: Կեցցե՛ Հունաստանը: Կեցցե՛ նրա ժողովուրդը >>:

Այնուհետև 150 հոգուց բաղկացած երգչախումբը կատարել է  Սպիրոս Սամարասի գրած օլիմպիական օրհներգը:  

Բացման արարողությունը հիմք է դրել  օլիմպիական երկու ավանդույթի՝ խաղերի բացման ժամանակ մրցումները հյուրընկալող պետության ղեկավարի ելույթը և օլիմպիական օրհներգի կատարումը:

Խաղերի փակմանը  Գեորգ I-ը մրցանակակիրներին հանձնել է  նրանց պարգևները. չեմպիոններին՝  արծաթե և բրոնզե մեդալ՝  երկրորդը ճանաչվածներին, իսկ երրորդին ՝  ձիթենու ճյուղեր։

Մեդալների հաշվարկով առաջին տեղն է գրավել ԱՄՆ –ի՝ 20 / 11 + 7 + +2 /, ապա Հունաստանի ՝ 47 / 10 + 18 + +19 / և Գերմանիայի ներկայացուցիչները ՝ 13 / 6 +5 + 2 /:

Ընդհանուր առմամբ մեդալ են նվաճել 11 երկրների պատվիրակներ: