Որպես աշխարհի խոշորագույն շախմատի մրցաշար, Մոսկվայում 2002 թվականից անցկացվող «Aeroflot Open» միջազգայինը 2004թ. ընդգրկվել է Գինեսի ռեկորդների գրքում:

Փետրվարի 28 –ին մեկնարկած հերթական ստուգատեսին մեր երկրից մասնակցում են իմաստուն խաղի 11 ներկայացուցիչներ:

Խաղացված վեց փուլից հետո  5,5 միավորով միանձնյա առաջատարն է ռուս գրոսմայստեր Յան Նեպոմնյաշչին:

Մեր պատվիրակներից  առաջատարների շարքում են գրոսմայստերներ Արամ Հակոբյանը և Շանթ Սարգսյանը, ովքեր ունեն 4.5 միավոր:

Մրցաշարի ավարտին մնացել է 3 խաղափուլ:

Զուգահեռաբար շրջանաձև մրցակարգով  անցկացվում է նաև հինգ նշանավոր վետերանների մասնակցությամբ մրցաշար: Մեր երկրի բոլոր ժամանակների լավագույն գրոսմայստեր Ռաֆայել Վահանյանը նախավերջին տուրից հետո ընթանում է առաջին տեղում: