Հայաստանի տղամարդկանց և կանանց բասկետբոլի առաջնություններում տեղի են ունեցել հերթական հանդիպումները:

ՊրոԲասկետ Ա-Լիգայի ծրագրով «Օլիմպավանը» 103:100 հաշվով առավելության հասավ «Էրեբունու» նկատմամբ:

Լավագույն խաղացող ճանաչվեց  հաղթող թիմի ներկայացուցիչ Ջորդան Սթաֆորդը: Նա վաստակեց 30 միավոր, կատարեց 11 ռեբաունդ և 4 արդյունավետ փոխանցում:

Կանանց մրցաշարում «Ֆոքսիսն» անցկացրեց իր չորրորդ հանդիպումը և 72:55 հաշվով  պարտության մատնեց «Արցախ Գոլսին»:

Հանդիպման ամենաարժեքավոր խաղացող  դարձավ Մերի Գրիգորյանը («Ֆոքսիս»): Նա վաստակեց  28 միավոր, 7 անգամ տիրեց  օղակից անդրադարձող գնդակին և կատարեց 6 արդյունավետ փոխանցում: