Մինչ << Միլանո Կորտինա - 2026 >> -ը պատրաստվում է փետրվարի վեցին ողջունել համաշխարհային մարզասերին,  <<Ինսբրուկ - 1976 >>  - ի փորձը մնում է օրինակ այն բանի, թե ինչպես երկարաժամկետ պլանավորումը,  շինությունների կանոնավոր օգտագործումը և համայնքի  միասնությունը կարող են պահպանել օլիմպիական ժառանգությունը: 

 Հիսուն  տարի առաջ  այս օրը՝ փետրվարի չորսին, Ինսբրուկում մեկնարկեց ձմեռային օլիմպիական 12 – րդ խաղերը: Եվ հիմա,  կես դար անց, երբ 25 –րդ ձմեռայինը մոտենում է մեկնարկին, 1976թ.  որդեգրված ժառանգության վրա հիմնված մոտեցումն ավելի արդիական է, քան երբևէ։

Օգտագործված բոլոր ինը մրցավայրերը մինչ օրս շարունակում են   իրենց գործունեությունը: Դրանք հյուրընկալում են տեղական և միջազգային մրցաշարեր,  իսկ   օլիմպիական գյուղը  մնում է բնակելի թաղամաս:  

Հոբելյանական տարեդարձը ընդգծում է այն, ինչը մնացել է անփոփոխ.  մարզադաշտեր, օլիմպիական գյուղ, ենթակառուցվածքներ, որոնք միմյանց են  կապում  քաղաքն ու լեռները և կամավորական մշակույթը, որը մշտապես աջակցում է խոշոր միջոցառումների կայացմանը: