<< Միլանո Կորտինա -  2026 >>  ձմեռային օլիմպիական խաղերի ջահը արդեն Իտալիայի մայրաքաղաքում  է: Հռոմի Պիացցա դել Քվիրինալեի հրապարակը, որը գտնվում է  Իտալիայի նախագահի նստավայրի դիմաց, տեղի է ունեցել տոնական արարողություն: Ներկա է եղել նաև  ՄՕԿ-ի նախագահ Քիրսթի Քովենթրին: Նա իր խոսքում գովաբանել  է Իտալիայի ջերմությունն ու էներգիան, իսկ Իտալիայի  նախագահ Սերջիո Մատարելան կոչ է արել  հարգել օլիմպիական զինադադարը:  

Ապա  մեկնարկել է  ջահի փոխանցավազքը:

Տոնական միջոցառումը սկսվել է  խորհրդանշական պահով. միջին տարածության վազորդ Ջանկառլո Պերիսը, որը 1960թ. Հռոմի օլիմպիական խաղերի վերջին ջահակիրն էր, կրակի  լապտերը հանձնել է  Միլանո Կորտինայի հիմնադրամի նախագահ Ջովաննի Մալագոյին, ով այնուհետև վառել է  ջահի կաթսան։

Փոխանցավազքի առաջին ջահակիրը << Ռիո - 2016  >> -ի՝  լողից ոսկե մեդալակիր Գրեգորիո Պալտրինիերն է եղել:  

Առաջիկա շաբաթների ընթացքում  փոխանցավազքը կանցնի 12,000 կիլոմետր՝ Իտալիայի 300 քաղաքներով: Վազքին կմասնակցեն  մարզիկներ, արվեստագետներ, սովորական քաղաքացիներ և,  վերջապես, մարզահանդեսի բացման նախօրեին՝ փետրվարի 5-ին կրակը կհասնի Միլանի  լեգենդար << Սան Սիրո >> մարզադաշտ, որտեղ փետրվարի վեցին տեղի կունենա խաղերի բացման հանդիսավոր արարողությունը: