Միլանում 2025թ. անցկացվելիք ձմեռային օլիմպիական 25 –րդ խաղերի կազմկոմիտեն ներկայացրել է կամավորականների և ջահի փոխանցավազքի մասնակիցների մարզահագուստը:

Ընդհանուր առմամբ  թողարկվել է  շուրջ  400,000 աքսեսուար և հագուստ, որոնք կտրամադրվեն ավելի քան 25,000 մարդու, այդ թվում՝  կազմկոմիտեի աշխատակիցներին և  պաշտոնյաներին:

Օլիմպիական խաղերի գործընկեր  ֆրանսիական  Անսի ընկերության դիզայներները հավաքածուի ստեղծման վրա աշխատել են մեկուկես տարի: Գործընթացում ընդգրկված են եղել ավելի քան  50 մասնագետներ՝ խորհրդատուներ, ինժեներներ և տեխնիկներ:

Հավաքածուն ներառում է մի քանի տեսակի բաճկոն,  տաբատ, սվիտերներ, գլխարկներ, ձեռնոցներ,  կոշիկներ,  պայուսակներ և աքսեսուարներ:  Դրանք միավորված են  խաղերը խորհրդանշող կապտա-կանաչավուն  գունային սխեմայով:

Հիշեցնենք, որ կամավորականները կատարում են բազմազան դերեր՝ ողջունում են հանդիսատեսին, հանդիպում մարզիկներին, օգնում պաշտոնյաներին, մամուլի ներկայացուցիչներին, աշխատում են օլիմպիական ասպարեզներում:

Հանրությանը ներկայացվել են  նաև օլիմպիական ջահի փոխանցավազքի  մասնակիցների համար նախատեսված  հավաքածուները ՝ տարբեր գունային  համադրությամբ, որտեղ գերակշռում է սպիտակը, դեղինը և կարմիրը:

Հիշեցնենք, որ ձմեռային մարզահանդեսի  կրակը կվառվի Հունաստանի Օլիմպիայում՝  նոյեմբերի 25-ին և Հռոմ կժամանի դեկտեմբերի 4-ին: Այնտեղից կրակը կսկսի 12 հազար կիլոմետրանոց  իր երկամսյա ճանապարհորդությունը: