Նորվեգիայի Ֆյորդե քաղաքում անցկացվող ծանրամարտի աշխարհի առաջնությունը հատել է հասարակածը:

Երեկ մրցահարթակ ելավ Հայաստանի  կանանց հավաքականի միակ ներկայացուցիչ Աննա Ամրոյանը / 77 կգ /: Նա պոկում վարժությունում ցույց տվեց  100 կգ, հրումում՝ 130 կգ  և երկամարտի 230 կգ –ով գրավեց 13 –րդ տեղը:

Վաղը ՝ հոկտեմբերի 10-ին,  ելույթ կունենան Գարիկ Կարապետյանն ու Սիմոն Մարտիրոսյանը / երկուսն էլ 110 կգ /, իսկ հաջորդ օրը ՝ հոկտեմբերի 11 –ին՝   Վարազդատ Լալայանը / + 110 կգ /: