Միավորված ազգերի կազմակերպությունը  1973թ.  հունիսի հինգը նշանավորեց որպես  շրջակա միջավայրի համաշխարհային  օր:

Աշխարհում միլիոնավոր մարդիկ ներգրավված են մոլորակի պաշտպանության գործին: Գլխավորը  պլաստիկի թափոնների աղտոտումից ձերբազատվելն է:

Պետք է բարձրաձայնել  պլաստիկ տոպրակների,  մեկանգամյա օգտագործման իրերի, շշերի, փաթեթավորման և այլնի մասին: Խնդրի լուծմանը կարող են օգնել  այլընտրանքային  նորարարությունները, որոնք վերջակետ կդնեն պլաստիկի աղտոտմանը: Օրինակ, Փարիզի  2024թ. ամառային օլիմպիական  խաղերի ընթացքում  արգելվել էր  մեկանգամյա օգտագործման պլաստիկը։ 

Թափոնները, այնուամենայնիվ,   շարունակում  են  մնալ գլոբալ  խնդիր, քանի որ ամեն տարի 14,000 կաթնասուն և 1,4 միլիոն ծովային թռչուն սատկում է պլաստիկի պատճառով:

Coca-Cola-ն, որպես օլիմպիական խաղերի  գործընկեր,  արտադրում է բազմակի օգտագործման ապակյա շշեր: 

Միջազգային օլիմպիական կոմիտեն բարձր է գնահատում    «Սպորտը բնության համար» ծրագիրը՝ նպաստելով բնության վերականգնմանն ու պաշտպանությանը: 

Համաձայն ՄԱԿ-ի շրջակա միջավայրի պահպանության ծրագրի,   ժամանակակից տեխնոլոգիաների շնորհիվ հնարավոր է  80 տոկոսով կրճատել   պլաստիկի գործածությունը: