Ավստրիայի Զալբախ քաղաքում անցկացվեց լեռնադահուկային սպորտի աշխարհի առաջնությունը:
Հսկա ոլորավայրէջք մրցաձևի եզրափակիչ փուլում, 61 երկրների 100 մարզիկների շարքում, ՀՀ հավաքականի դրոշի ներքո հանդես եկող ռուսաստանցի Գլեբ Մոսեսովը զբաղեցրեց 47-րդ տեղը:
Մեկ այլ՝ ոլորավայրէջք մրցաձևի որակավորման փուլում Գլեբը 57 երկրի 138 մարզիկների շարքում ճանաչվեց վեցերորդը և իրավունք ստացավ եզրափակիչում պայքարել լավագույն 50 մարզիկների հետ: Այս պարագայում նույնպես մեր պատվիրակը իրեն վատ չդրսևորեց և ուժեղների դեմ մրցությունում գրավեց 34 –րդ տեղը:
Նույն մրցաձևում ծաղկաձորցի Հարություն Հարությունյանը ճանաչվեց 53-րդը: