-  Առնվազն  տասը  երկիր ցանկություն է հայտնել  2036 թ. ամառային օլիմպիական խաղերը հյուրընկալելու համար, - ասել է միջազգային օլիմպիական կոմիտեի (ՄՕԿ) նախագահ Թոմաս Բախը։ - Մոլորակի կլիմայի փոփոխությունը կարող է հանգեցնել նրան, որ խաղերի ժամկետները  գլոբալ տաքացման պատճառով հետաձգվեն:

Սաուդյան Արաբիան և Քաթարը պատրաստվում են ընդունել 2036թ.  խաղերը: Ինդոնեզիան և Հնդկաստանը նույնպես պոտենցիալ հյուրընկալողներ են:

Վերջին տարիներին օլիմպիական խաղերի անցկացման նկատմամբ հետաքրքրությունը կտրուկ նվազել էր: 2024 և 2028 թվականների ամառային խաղերի համար հայտ էին  ներկայացրել  միայն Փարիզը և Լոս Անջելեսը, ինչի արդյունքում երկու քաղաքներն էլ դարձան հաջորդաբար  33-րդ և 34-րդ  խաղերի մայրաքաղաքներ . . .   

Բախը օլիմպիական խաղերի անցկացման նկատմամբ հետաքրքրության վերածնունդը կապում է իր պաշտոնավարման ընթացքում իրականացված բարեփոխումների հետ:

ՄՕԿ -ի առաջնորդը  գովեստով  է խոսել առաջիկա խաղերի մասին.  «Փարիզի կազմկոմիտեի նախապատրաստության ընթացքը համահունչ է  բարեփոխումների ծրագրին»: