ՀՀ 20-րդ դարի լավագույն մարզիկ Ալբերտ Ազարյանը երեկ ՝ փետրվարի 11 –ին կդառնար 95 տարեկան: Ավաղ, ընդամենը հինգ ամիս չբավարարեց հոբելյանական տարեդարձը նշելու համար. 2023թ. սեպտեմբերի հինգին, ժամը 17. 30 –ին, նա հրաժեշտ տվեց երկրային կյանքին:

Ալբերտ Ազարյանը  ավելի քան 15 տարի  մնաց  անպարտելի: Նա  հայաստանցի միակ մարդն է, ով  11 անգամ  հռչակվել է ԽՍՀՄ չեմպիոն  / օղակներ ,  զուգափայտ ,  պտտաձող  մրցաձևերում  /: Եվրոպայի կրկնակի, աշխարհի քառակի  ոսկե դափնեկիր է, և աշխարհի  միակ հայ  մարզիկն է,  ով  կրում է օլիմպիական խաղերի եռակի չեմպիոնի պատվավոր կոչումը :

Ազարյանական  լեգենդը ճյուղավորվել , տարածվել է աշխարհով մեկ : Քրիստոնյա  հայ ժողովուրդը երբեք  չի մոռանա  իր եռակի խաչակրին, քանզի նա առաջինն է    կատարել  ԱԶԱՐՅԱՆԱԿԱՆ  ԽԱՉԸ   և այն գրանցել տվել  մարմնամարզության միջազգային  անվանակոչության տարեգրության  չեմպիոնական պատմագրքում :

2022 – ի տարեմուտին Ալբերտ Ազարյանի անվան մարզադպրոցի բակում,  ՀԱՕԿ նախագահ Գագիկ Ծառուկյանի հովանավորությամբ,  վեր հառնեց հայրենական սպորտի անկրկնելի  լեգենդի բրոնզաձույլ կիսանդրին:

Բացման արարողությանը ներկա մեծն Ազարյանը շնորհակալություն հայտնեց ներկաներին և խոստացավ  ապրել մեկ դար: Բայց . . .