Նոր մրցաշրջանում  իրենց առաջին  միջազգային մրցելույթը ունեցան մեր երկրի աթլետները: Նրանք մասնակցեցին  Ղազախստանի Ուստ – Կամենոգորսկ քաղաքում անցկացված  աշխարհի և օլիմպիական խաղերի չեմպիոնուհի    Օլգա  Ռիպակովայի անվան  միջազգային մրցաշարին:  

Հայտավորված էին ութ երկրների 85  պատվիրակներ:

Կապանցի ճանաչված եռացատկորդ Լևոն Աղասյանը  ցույց տվեց  16մ. 26սմ. արդյունք և գրավեց  երկրորդ տեղը:

Մեր երկրորդ մասնակից, արտաշատցի Ռոման Ալեքսանյանը հանդես եկավ 1500մ. վազքում: Նա 4.00, 76 վրկ –ով դարձավ վեցերորդ մրցանակակիր:

Հայաստանի աթլետների համար յուրատեսակ ստուգատես կհանդիսանա Վանաձորում հունվարի 27 –ին մեկնարկող Լոռվա մարզի ֆեդերացիայի կազմակերպած ձմեռային ավանդական  բաց առաջնությունը: