Հայաստանի ծանրամարտի հավաքականը ոսկե մեդալով նշանավորեց նորամուտը Մեքսիկայի Գվադալահարա քաղաքում անցկացվող աշխարհի երիտասարդական առաջնությունում:

Գյումրեցի վարպետների հարուստ ավանդույթներին հավատարիմ մնաց Ալեքսանդրա Գրիգորյանը / 55 կգ /:

Առաջին ՝ պոկում վարժությունում  նա 81 կգ արդյունքով  զբաղեցրեց հինգերորդ հորիզոնականը: Դժվար է հավատալ, որ հայ մարզուհին կկարողանա շրջանցել առաջատարներին, դեռ ավելին՝ կդառնա ոսկե դափնեկիր:

Անհնարին թվացող այդ խնդրին Ալեքսանդրան համապատասխան լուծում տվեց և մեր պատվիրակության առաջին մասնակիցը ոսկե մեդալով  << բացեց հաշիվը >> : Մեր դուստրը  հրում վարժությունում սանձեց 107 կգ  կշռող ծանրաձողը, երկամարտի 188 կգ արդյունքով գրավեց առաջին տեղը և արժանիորեն չեմպիոն հռչակվեց:  Նշենք, որ Ալեքսանդրան ընթացիկ մրցաշրջանում հաղթել է նաև Եվրոպայի եիտասարդական ստուգատեսում:

Շնորհավորում ենք մեր կանանց հավաքականի գլխավոր մարզիչ, բազմափորձ Արտաշես Ներսիսյանին և չեմպիոնուհու անձնական մարզիչ, արդեն նորընծա  վաստակավոր մարզիչ Քրիստինե  Պետրոսյանին ու ակնկալում նորանոր հաջողություններ:

Այսօր ծանրահարթակ կելնի  այս տարվա մեծահասակաների  Եվրոպայի չեմպիոն  և աշխարհի բրոնզե մեդալակիր Գոռ Սահակյանը  / 67 կգ /: