Ծանրամարտի միջազգային ֆեդերացիայի  / IWF / 2024-2032թթ.  ռազմավարական ծրագրի  մշակման պատասխանատու աշխատանքային խումբն իր առաջին նիստն է անցկացրել:

Ավելի վաղ, ֆեդերացիան լայնածավալ խորհրդակցություններ է հրավիրել  շահագրգիռ կողմերի հետ, որպեսզի պատկերացում լինի   կազմակերպության  առջև  ծառացած  մարտահրավերների  և առաջնահերթությունների մասին: Քննարկումների արդյունքում գրանցված  կարծիքները տեղ կունենան ռազմավարական պլանում:  

Փաստաթուղթը նախատեսվում է դառնալ առաջիկա տարիների գործողությունների  ճանապարհային քարտեզ, որը հաստատման կներկայացվի  սեպտեմբերին  Սաուդյան Արաբիայում նախատեսված  IWF կոնգրեսին:  Դա նաև «զարգացող» փաստաթուղթ կհանդիսանա,  որը կենթարկվի կանոնավոր մոնիթորինգի և  հիմք կհանդիսանա IWF-ի ու  շահագրգիռ կողմերի հետագա աշխատանքային գործունեության համար:

IWF-ի նախագահ Մոհամմեդ Ջալուդը և գլխավոր քարտուղար Անտոնիո Ուրսոն այդ առթիվ  համատեղ ուղերձ են հղել,  նշելով , որ ծրագրի հրապարակումը  օգտակար գործիք կդառնա  համաշխարհային ծանրամարտում ՝ նպատակներին, խնդիրներին հասնելու և ռեսուրսները գնահատելու առումով: Անչափ կարևոր է  որ IWF-ն լինի օլիմպիական շարժման կենտրոնում, դա  այն տեղն է, որին իրավամբ արժանի է մարզաձևը և նրանք ովքեր իրենց կյանքը նվիրել են ծանրամարտին, մարզիկներ, մարզիչներ, մրցավարներ պաշտոնյաներ,  ադմինիստրատորներ և այլն: