Վաղը Մոսկվա կմեկնի  Հայաստանի սամբոյի տղամարդկանց հավաքականը: Պատվիրակության ղեկավար Մխիթար Հայրապետյանի և փորձառու մասնագետ Վովիկ Խոջոյանի ղեկավարությամբ մեր վեց տղաներ  առաջիկա շաբաթ և կիրակի օրերին  կմասնակցեն   մարզաձևի հիմնադիրների հիշատակին նվիրված միջազգային  ավանդական մրցաշարին:

Մեր երկրի մարզական դրոշի պատիվը կպաշտպանեն  Դավիթ Հովսեփյանը , Կարեն Սարգսյանը, Զավեն Արզումանյանը / երեքն էլ ՝ 58 կգ  /,  Էմիլ  Ստամբուլյանը / 64 կգ /, Ալեքսան Ստեփանյանը / 79 կգ / և Դավիթ Գրիգորյանը / 88 կգ /:

15 երկրների  շուրջ 250 մարզիկ – մարզուհիներ  յոթական քաշային կարգերում կվիճարկեն մարզական / տղամարդիկ  և կանայք /  ու  մարտական սամբոյում խաղարկվող մրցանակները: