Մաքուր սպորտի և արդարացի խաղի գաղափարը կարևորագույն արժեք է: Ահա թե ինչու  Լեհաստանում առաջիկա ամռանը անցկացվելիք Եվրոպական ամառային երրորդ խաղերի  գլխավոր խնդիրներից մեկն է  հակադոպինգային վերահսկողության մանրակրկիտ գործընթացը։

Տեղի համապատասխան  գործակալությունը  ստուգումներ կիրականացնի թեստավորման միջազգային կազմակերպության (ITA)  հետ: Նրանք պատասխանատու կլինեն հսկող  կայանների, նմուշների հավաքման, տեղափոխման, անձնակազմի հավաքագրման և անհրաժեշտ սարքավորումների տրամադրման համար: 

Եվրոպական խաղերում հակադոպինգային ծրագիրը հսկայական նախագիծ է: Մարզիկներից վերցված 1200 նմուշների թեստավորման գործընթացի համար կներգրավվեն 60 հսկիչներ, 33 անցակետ, 10 բուժքույր, 10 համակարգող և 120 կամավորական:  

Հակադոպինգային լաբորատորիաներում արդեն ընթանում են նախապատրաստական աշխատանքները։ Երկրի լավագույն մասնագետները աշխատելու են չափազանց զգայուն սարքավորումների վրա: Որպեսզի թեստի արդյունքները վստահելի լինեն, կարևոր է ոչ միայն հետազոտողների բացառիկ պրոֆեսիոնալիզմը, այլև փոխադրման  պայմանները և նմուշը լաբորատորիա առաքելու ժամանակը: 

Թեստի արդյունքը կտրամադրվի  ընդամենը 48 ժամում, մինչդեռ դա սովորաբար տևում է 20 օր: Եվրոպական խաղերի ընթացքում հակադոպինգային հսկողության գործընթացը լինելու է շուրջօրյա:

Եվրոպական խաղերը կանցկացվեն հիմնականում  Կրակովում ու ևս ինը բնակավայրերում: