ԱՆԵԼԻՔՆԵՐԸ ՇԱՏ ԵՆ

10:07 - 19 Հուն, 2023

Հունվարի վերջին տասնօրյակին Հայաստանի կանանց բռնցքամարտի հավաքականը ուսումնամարզական հավաք կանցկացնի մայրաքաղաքի Օլիմպավանում:  Այնուհետև  տեղի կունենա Հայաստանի առաջնությունը  / հունվարի 31 –ից՝ փետրվարի 4 –ը / :

Մեկշաբաթյա հանգստից հետո, դարձյալ Օլիմպավանում,  թիմը ուսումնամարզական պարապմունքների  կմասնակցի: Գլխավոր մարզիչ, ԽՍՀՄ վաստակավոր մարզիչ Ռաֆայել Մեհրաբյանն ասաց, որ առաջատարների երկրորդ հավաքին կմիանան երիտասարդականի չորս մարզուհիներ, որոնք պետք է մասնակցեն Երևանում  անցկացվելիք Եվրոպայի երիտասարդական առաջնությանը:  

Անելիքները շատ են , քանզի առջևում են պաշտոնական պատասխանատու մրցաշարերը:  Հնդկաստանում  / Դելիում / մարտի 15 – 31 –ը կանանց գլխավոր թիմը հանդես կգա աշխարհի առաջնությունում, իսկ հունիսին ՝ Եվրոպայի ամառային մարզական երրորդ խաղերում / Լեհաստանում /: Ի դեպ, Կրակովի ստուգատեսում  խաղարկվելու են  << Փարիզ – 2024 >>  -ի ուղեգրեր:

Վաստակաշատ գլխավոր մարզիչը  հույս ունի, որ նշած երեք մրցումներում հաջողությունից անմասն չեն մնա մեր մարզուհիները:  Ի դեպ, հավաքների ընթացքում  Ռաֆայել  Մեհրաբյան, Հակոբ Մելքոնյան և Համլետ Սարգսյան եռյակին կմիանան նաև երիտասարդականի մարզիչներ Մանվել Գաբրիելյանը և Հարություն Նազարյանը: 

 

Այլ նորություններ