Ինչպես արդեն հայտնել ենք, Լոզանում,  ՄՕԿ-ի գործկոմի  նիստի ժամանակ, կազմակերպության կենտրոնակայանի մոտ, ի աջակցություն IBA-ի, ակցիա է տեղի ունեցել:

Մասնակիցները պահանջել են, որ բռնցքամարտի միջազգային ֆեդերացիան պիտի  2028թ. օլիմպիական խաղերում կազմակերպի  մարզաձևի մրցաշարը:   

ՄՕԿ-ի հաղորդակցության գծով տնօրեն Մարկ Ադամսը այդ առթիվ ասել է, որ  լսել են  մտահոգությունները  և դժգոհողների հետ  քննարկել հարցը: Առաջիկայում  նրանք կառուցողական  պատասխան կստանան:  

Եվ ահա միջազգային օլիմպիական կոմիտեի  մարզական տնօրեն Քիթ Մաքքոնելը արդեն հայտարարել է, որ բռնցքամարտի միջազգային ասոցիացիայի (IBA) կասեցումը ուժի մեջ է: Այդ առթիվ  նամակ է  ուղարկվել IBA  -ի ղեկավար Ումար Կրեմլյովին: Այն բովանդակում  է  ՄՕԿ –ի  մտահոգությունները կազմակերպության  կառավարման և ֆինանսական գործընթացներին:  Ասոցիացիայի գործունեության մեջ որևէ փոփոխություն չկա, որը թույլ տար կասեցումը հանելուն:  

ՄՕԿ-ի գործկոմը  նպատակահարմար չի համարել  նիստում  ներառել մարզաձևը 2028թ. օլիմպիական խաղերի ծրագրում ընդգրկելու հարցը, քանի որ IBA-ն չի ապացուցել կառավարման, ֆինանսական թափանցիկության և մրցավարության հարցերը:

ՄՕԿ-ն արդեն հայտարարել է, որ 2024թ. Փարիզի խաղերի որակավորման մրցաշարերը  չի անցկացվելու IBA- ի հովանու ներքո: Արտոնագրերի ստացման մանրամասները  քննարկվել են  ՄՕԿ-ի գործկոմում:

Չափանիշները հիմնված են << Տոկիո – 2020 >>  –ի վրա, որոնք մշակվել և հաջողությամբ են  կիրառվել:

Նշենք, որ դեռևս ապրիլին միջազգային օլիմպիական կոմիտեն հրապարակել էր հետևյալ հաղորդագրությունը. << ՄՕԿ – ի գործկոմը  հաստատել է 2024թ. Փարիզում կայանալիք բռնցքամարտի մրցաշարի  որակավորման համակարգը և քաշային կարգերը։ Մշակել է  Փարիզի խաղերի մասնակցության ընթացակարգը: Հաստատվել են նաև տղամարդկանց յոթ  և կանանց վեց  օլիմպիական քաշային կարգերը:

Օլիմպիական խաղերի ուղեգրերի որակավորման փուլերը կսկսվեն 2023թ. հունվարի 1-ին  և կձգվեն մինչև  2024թ. մայիսի 31-ը: Վարկանիշային մրցումները տեղի կունենան չորս փուլով:  

Համակարգը մշակելիս հաշվի են առնվել  բազմաթիվ տեսակետներ և կարծիքներ։ Քննարկումները տևել են մի քանի ամիս: Բռնցքամարտի միջազգային ֆեդերացիան / IBA /  հավաստիացրել է, որ  որակավորման համակարգը արդար կլինի և բոլոր մարզիկները հավասար հնարավորություներ կունենան օլիմպիական դառնալու համար:

IBA-ի նախագահ Ումար Կրեմլյովը նշել էր, որ վարկանիշային մրցումները  մշակելիս  սերտորեն համագործակցել են ՄՕԿ-ի սպորտ բաժնի, IBA –ի կոմիտեների, մայրցամաքային կոնֆեդերացիաների, մարզիկների և ազգային ֆեդերացիների հետ . . . >>: