Ծանրամարտի  աշխարհի առաջիկա երկու առաջնությունների լուսաբանման իրավունքը ստացել է   SPORTFIVE ընկերությունը:

Ծանրամարտի միջազգային ֆեդերացիայի / IWF /  բացառիկ գործընկեր՝ SPORTFIVE-ը,  մեդիա աշխատանքները կկատարի  2022  -2023թթ. աշխարհի առաջնությունների, 2023թ.  Գրան Պրիի և 2024թ.  աշխարհի գավաթի խաղարկություններում:

Համագործակցությունը  սկսվել է այս տարեսկզբին, երբ  SPORTFIVE-ը երկարաժամկետ պայմանագիր  ստորագրեց ծանրամարտի եվրոպական  ֆեդերացիայի (EWF) հետ ՝ աշխարհամասի  մեծահասակների առաջնության անցկացման համար: 

SPORTFIVE –ի փոխտնօրեն, հայազգի  Տիգրան Սիրունյանն ասել է, որ  իրենց կազմակերպությունը լուսաբանման մեծ փորձ ունի և իրենք գոհ են  նոր համագործակցության համար: Նա նաև հույս է հայտնել, որ  կարդարացնեն IWF-ի վստահությունը և  նոր մակարդակի կբարձրացնեն ծանրամարտի պաշտոնական  մրցումների հեղինակությունն ու ժողովրդականությունը։ 

Ընկերությունը սպորտային մարքեթինգի համաշխարհային գործակալություն է, որը տրամադրում է լուծումներ՝ հիմնված վստահության, թափանցիկության, փորձի,  գլոբալ կապերի, թվային հետախուզության և նորարարության վրա: 

SPORTFIVE- ը  աշխատում է 15 երկրներում իր ստեղծած մասնաճյուղերի ավելի քան 1200 փորձագետների հետ : Կազմակերպությունը ակտիվորեն  համագործակցում է  ֆուտբոլի, գոլֆի, կիբերսպորտի, ավտոսպորտի, հանդբոլի, թենիսի, ամերիկյան ֆուտբոլի, բասկետբոլի, տափօղակով հոկեյի, ռեգբիի, օլիմպիական խաղերի և մարզական   այլ միջոցառումների կազմակերպիչների հետ: