ՄՕԿ –ի << Օլիմպիական համերաշխություն >>  ծրագրի հանձնաժողովը հրապարակել է  տարեկան զեկույցը:

Փաստաթուղթը ներկայացնում է  ԱՕԿ-ներին ցուցաբերվող աջակցության գլոբալ պատկերը: Այն նպատակ ունի օգնելու մարզիկներին օլիմպիական խաղերին նախապատրաստվելու և  օլիմպիական արժեքները  ամբողջ աշխարհում խթանելու համար:

Երբ երկիր մոլորակը  զբաղված էր  COVID-19 –ի համաճարակով,  ՄՕԿ –ը հետաձգեց <<  Տոկիո-2020 >>  օլիմպիական խաղերը:  Դա վկայում է ՄՕԿ – ի  ցուցաբերած  բացառիկ նվիրվածությունը մարզիկներին  և  ընդհանրապես՝ սպորտին:  

Վերը նշած ծրագիրը  կարևոր դեր է խաղացել Տոկիոյի  խաղերն իրականություն դարձնելու գործում:

Համաշխարհային  գլխավոր մարզահանդեսի  մեկամյա հետաձգումը աննախադեպ մարտահրավերներ և անորոշություն էր առաջացրել:

186 ԱՕԿ-ների 1836 մարզիկներ  են օգտվել օլիմպիական  անհատական կրթաթոշակներից,  նրանցից 827-ը մասնակցել է  խաղերին՝ շահելով ավելի քան 100 մեդալ: 

Հիմնարար նշանակություն է  ունեցել  ՄՕԿ-ի փախստականների օլիմպիական թիմի մարզիկներին կրթաթոշակների նշանակումը: Դա  նրանց հնարավորություն է տվել նախապատրաստվել խաղերին: Նրանք  հանդես են եկել  12 մարզաձևերի մրցումներում  և  ոգեշնչել են համաշխարհային հանդիսատեսին:

Զեկույցում ներկայացված են մի շարք  մարզիկների մարդկային պատմություններ,  որոնք վկայում են թե ինչպես է ՄՕԿ-ը աջակցում մարզաշխարհի մարդկանց և օլիմպիական գաղափարների տարածմանը: