2026թ. ձմեռային օլիմպիական խաղերը տեղի կունեան Իտալիայի Միլան և Կորտինա դ'Ամպեցցո քաղաքներում: Կազմկոմիտեն համաձայնության է եկել Իտալիայի կառավարության հետ << Էուդժենիո Մոնտի >>  սահնակային մրցուղու վերանորոգման հարցում:

Հեռավոր 1956թ. օլիմպիական խաղերի համար է կառուցվել այդ համալիրը: Դրա շինվերանորոգման  նախահաշիվը կազմում  է 69 մլն դոլար:

Գումարի չափը մեծ է և ծախսերից զերծ մնալու համար կազմկոմիտեն, որպես այլընտրանք, առաջարկել էր մարզաձևի մրցումներն անցկացնել  Ավստրիայի Ինսբրուկ  և Շվեյցարիայի Սենթ Մորից քաղաքների հարմարավետ ասպարեզներում:  

Նման առաջարկ է արվել այն բանից հետո, երբ ՄՕԿ –ը դեմ է եղել վերակառուցման համար գումար ներդնել, որովհետև ծրագրով  հիմնականում նախատեսվում է կառույցը օգտագործել իբրև զվարճանքի կենտրոն: Նշանակում է, որ համալիրը կապ չունի օլիմպիական խաղերի հետ և ոչ ոք  իրավունք չունի պնդել, որ նախագիծը համապատասխանեցվի օլիմպիական օրակարգին։ 

Այնուամենայնիվ, իտալացիները կառույցը կվերանորոգեն և կօգտագործեն  ըստ ցանկության: