ԵՕԿ –ի    եվրոպական երիտասարդական ձմեռային  փառատոնի կարգավորող հանձնաժողովի ներկայացուցիչները այցելել են Իտալիա: Ֆրիուլի, Վենետիկ, Ջուլիա   քաղաքներում 2023թ. հունվարի 21 – 28 –ը  կանցկացվի երիտասարդական սպորտի հերթական օլիմպիական ստուգատեսը / EYOF-2023 / :

Պատվիրակությունը ծանոթացել է կազմկոմիտեի կատարած աշխատանքներին,  առաջիկա մարզահանդեսի  հիմնական ենթակառուցվածքներին ու մարզահամալիրներին:

Փառատոնը  մեծ իրադարձություն կդառնա, քանզի <<  կջնջի >> սահմանները, քանի որ մեկնարկները տեղի կունենան ոչ միայն Իտալիայում, այլև Սլովենիայում և Ավստրիայում:

Հանձնաժողովի անդամները  տպավորվել են կատարված աշխատանքից և ընդգծել, որ բարեկամությունը, նորարարությունը, կայունությունը կհամադրվեն սպորտի հետ ու  կդառնա  յուրահատուկ տոնակատարություն:   

Կազմկոմիտեն նախատեսում է օգտագործել միայն գոյություն ունեցող մարզահամալիրները, սակայն դրանք կվերակառուցվեն հատուկ EYOF-2023- ի համար: 

Օրերս փոխըմբռնման հուշագիր է ստորագրվել Միլանում և Կորտինա դ'Ամպեցցոյում 2026թ.  ձմեռային օլիմպիական խաղերի կազմկոմիտեի հետ: 

Եվրոպական երիտասարդական ձմեռային օլիմպիական փառատոնի շրջանակներում,  14-18 տարեկան  օլիմպիականները  մեդալների համար կպայքարեն լեռնադահուկային սպորտում, բիաթլոնում, դահուկավազքում, գեղասահքում, հոկեյում, շորթ-տրեկում, սնոուբորդում, քյոռլինգում, ֆրիսթայլում, լեռնագնացությունում, դահուկացատկում: