Լողի միջազգային ֆեդերացիայի նախագահ Հուսեյն Ալ-Մուսալամի գլխավորած մասնագիտական պատվիրակությունը  Փարիզում ուսումնասիրել է  2024թ. կայանալիք ամառային օլիմպիական խաղերի մարզումային և մրցումային ասպարեզները:

Նախ հետազոտվել է  բազմաֆունկցիոնալ << Արենա -92 >> -ը, որտեղ  կանցկացվեն լողի, ջրացատկի, ջրագնդակի և արտիստիկ լողի մրցումները: Համերգներին և այլ միջոցառումներին տրիբունաներից կարող է հետևել  մինչև 40,000 մարդ: Այդ թիվը  օլիմպիական խաղերի օրերին  համար կկրճատվի  մինչև 17,000  -ի: 

Պատվիրակությունն այցելել է նաև  Ալեքսանդր երրորդի կամուրջ, որը կառուցվել է 1896 թվականին ՝ ի հիշատակ ֆրանս-ռուսական միության: Հենց այնտեղ, Սենայի ափին, կանցկացվի բաց ջրերում  լողի օլիմպիական  մրցաշարը:

Հատուկ ուշադրություն է դարձվել Piscine Georges Vallerey և L'Odyssee Aulnay-Sous-Bois  լողավազաններին, որոնք  հիմնական մրցավայրից հեռու են 19 կիլոմետր:

Հուսեյն Ալ-Մուսալամը հանդիպել է նաև<< Փարիզ -2024 >> կազմկոմիտեի նախագահ Թոնի Էստանգեի հետ:  

ՖԻՆԱ -ն առաջին միջազգային ֆեդերացիան է, որը ստուգողական այց է կատարել 33 –րդ  ամառային օլիմպիական խաղերի մայրաքաղաք: