Հեծանվորդները հավաք են անցկացնում Ծաղկաձորում

10:30 - 26 Փետ, 2016

Հեծանվասպորտի Հայաստանի հավաքականի անդամները տարվա առաջին ուսումնամարզական հավաքն են անցկացնում Ծաղկաձորում:

«Այժմ հիմնական աշխատանքը տանում ենք խճուղիների վրա, հեծանվորդների լեզվով ասած կիլոմետրեր ենք հավաքում: Թեպետ եղանակային պայմաններն այդքան էլ հաջող չեն, բայց շարունակում ենք մարզումները: Սա միայն առաջին հավաքն է, դեռ էլի հավաքներ ենք ունենալու մինչև Եվրոպայի առաջնությունը»,-ՀԱՕԿ լրատվականի հետ զրույցում ասաց հավաքականի գլխավոր մարզիչ Արմեն Գյոզալյանը:

Ուսումնամարզական հավաքին մասնակցում են 7 մարզիկներ, թիմի բժիշկը և երկու մարզիչ:

Հեծանվորդների մրցաշրջանի բացումը կլինի մարտ ամսին:

Լուսանկարը` Getty Images

ՀԱՕԿ լրատվության բաժին

Այլ նորություններ