ՀԵՌԱՎԱՐ ՁԵՎԱՉԱՓՈՎ

16:00 - 19 Ապր, 2021

Եվրոպայի օլիմպիական կոմիտեն մարտ ամսին հարցաշար էր ուղարկել  Հայաստանի ազգային օլիմպիական կոմիտե: Սահմանված ժամկետում  տրվել են բոլոր հարցերի պատասխանները:

Այսօր ՝ ապրիլի 19 –ին ԵՕԿ –ի  պատասխանատուները  հեռավար ձևաչափով  զրուցեցին ՀԱՕԿ –ի գլխավոր քարտուղար Հրաչյա Ռոստոմյանի հետ:

Տասնյակ հարցեր ուղղվեցին երևանցի պաշտոնյային: Եղան  հստակ, հակիրճ  պատասխաններ: Դրանք վերաբերում էին ԵՕԿ –ի հետ   ԱՕԿ- ների, մասնավորապես՝   ՀԱՕԿ –ի համագործակցությանը : Այդ հարցին Ռոստոմյանը  դրականորեն արձագանքեց, հավելելով , որ հնարավոր է ավելի սերտացնել  կապերը:  Վատ չի լինի , որ ԵՕԿ –ի հանձնաժողովների   կազմերում  ընդգրկվեն  հին աշխարհամասի   ավելի մեծ թվով երկրների ներկայացուցիչներ: Ասածը վերաբերում է նաև ԱՕԿ –ների ՝ Եվրամիության համապատասխան ոլորտի  և ազգային օլիմպիական կոմիտեների ասոցիացիայի /  ԱՕԿԱ  /  աշխատանքներին:

Անդրադարձ  եղավ միջազգային և եվրոպական ֆեդերացիաների հետ տարվող աշխատանքներին, համավարակի պայմաններում  տարվող գործերին և այլն:

Հրաչյա Ռոստոմյանն իր հերթին որոշ առաջարկություններ արեց, որոնք  դրական արձագանք ստացան: Ասվեց , օրինակ , որ լավ  կլինի ընդարձակել  Եվրոպական խաղերում ընդգրկված մարզաձևերի  ցանկը: Սխալ չի լինի, եթե  բոլոր  մարզաձևերի   մրցանակակիրները ստանան ամառային օլիմպիական խաղերի մասնակցության  ուղեգիր: Նման պարագայում  այլևս չի կատարվի  վարկանիշային մրցաշարերի ժամկետների փոփոխություն:

Հեռավար  հանդիպումն անցավ ջերմ , բարեկամական,  գործնական մթնոլորտում:

Այլ նորություններ