Հայաստանի ազգային օլիմպիական կոմիտեի նախագահ Գագիկ Ծառուկյանի հրամանագրով  Արմեն Գրիգորյանը պարգևատրվել է ՀԱՕԿ –ի շքանշանով: Նա այդ պատվին արժանացել է Հայաստանում ֆիզիկական կուլտուրայի, սպորտի , ինչպես նաև օլիմպիական գաղափարների տարածման ու զարգացման գործում ունեցած  նշանակալի ծառայությունների համար:

Արմեն Գրիգորյանը  սուսերամարտից ԽՍՀՄ  տարբեր տարիքային  խմբերի առաջնությունների և միջազգային բարձրակարգ մրցաշարերի բազմակի հաղթող ու  մրցանակակիր է:

Մանկավարժական գիտությունների  դոկտոր է,  պրոֆեսոր : Աշխատել  է   ՀՀ սպորտի և երիտասարդության հարցերի նախարարության վարչության պետ, հայսպորտպետկոմի  նախագահի տեղակալ, իսկ 2007 – 2010թթ. ՝  սպորտի  նախարար:  Զուգահեռաբար   հաջողությամբ կատարել է ՀԱՕԿ –ի  և   համահայկական խաղերի համաշխարհային կոմիտեների  գլխավոր քարտուղարի , այնուհետև  նախագահի գործը : Գրեթե քառորդ դար  ղեկավարում է  ՀՀ սուսերամարտի ֆեդերացիան:

Այսօր ՝ փետրվարի մեկին բոլորեց մարզաշխարհի երախտավոր Արմեն Լևոնի Գրիգորյանի ծննդյան 60 տարին:

Շնորհավորում  ենք  վաստակաշատ հոբելյարին, մաղթում  քաջառողջություն, երկարակեցություն, հաջողություն անձնական կյանքում և աշխատանքում: