ԱՄՆ –ի Ֆլորիդա նահանգի գլխավոր ֆինանսական տնօրեն Ջիմի Պատրոնիսը նամակով ՄՕԿ ի  նախագահ Թոմաս Բախին առաջարկել է 2021թ․ ամառային օլիմպիական խաղերը Տոկիոյից տեղափոխել Ֆլորիդա: Այդ մասին հաղորդել Է WFLA տեղական հեռուստաալիքը, որը պատկանում Է NBC հեռուստաընկերությանը: 

Ըստ Պատրոնիսի, Ֆլորիդան ունի զարգացած հյուրանոցային ենթակառուցվածք,  տրանսպորտային ցանց, մարզահամալիրներ, որոնց առկայությամբ  հնարավոր  է  նման  միջոցառում անցկացնել։

Այդ հրապարակմանը արձագանքել է ՄՕԿ –ը և հայտնել ,որ իրենք նման բովանդակությամբ նամակ չեն ստացել և օլիմպիական խաղերի տեղափոխման հարցը   չի քննարկվում։ 

Տոկիոյի ամառային օլիմպիական մարզահանդեսը կմեկնարկի   հուլիսի 23-ին, իսկ պարալիմպիկինը` օգոստոսի 24-ին։